Indian cricket team chuan England tlawh a inelna an hmachhawn tawhah One Day International series an khelh chu 2-1 in an la chhunzawm.
Ram pahnihte hian nikum a khelh tur Test match pakhat an khelh hmabak an khelh zawh hnuah Twenty20 series an khel leh a, hei pawh hi 2-1 in an la.
Match thum khelh tura ODI hnuhnung berah wicket nga in India an chak a. Rishabh Pant leh Hardik Pandya te vangin India an chak.Pant-a puitling ta
ODI hmasa berah India in wicket 10 in England an hneh a, run 110 chauh England an siamtir. A vawi hnihnaah England an tho leh a, run 100 in an chak.
Emirates Old Trafford a vawi thumnaah tunhnaia India tana mawhphurhna pawimawh latu zinga tang Rishabh Pant a langsar.
Chak turin India in run 260 an siam a ngai a, opener pahnih Rohit Sharma leh Shikhar Dhawan bakah Virat Kohli ten run tam an thawh lova. Kum 24 mi Pant-a kovah a tla ta.
4 runs vawi 16 leh 6 vawi hnih vua in run 125 a siam a, Hardik Pandya chuan ball 55 atangin run 71 siamin a thlawp a, over 42.1-ah run 261 siamin India an chak.
India bowler zingah Hardik Pandya chuan over 7 vawmin maiden vawi thum a vawm bakah wicket li a la a, a che tha ber. Yuzvendra Chahal leh Mohammed Siraj chuan wicket 3 leh wicket hnih an la ve bawk.Stokes a chawl dawn
England tana World Cup chawi tawh Ben Stokes chuan South Africa nena ODI series an khelh zawh hunah one-day international cricket a chawlhsan tur thu a ti chiang.
Kum 31 mi hian kum 2011 khan England tan a khel tan a, all-rounder rintlak hian ODI 104 khelin run 2919 a siam tawh bakah wicket 74 a la tawh a. Century vawi 3 a siam tawh.
Stokes hian T20 leh Test match te erawh England tan a la khel zel dawn.