India-ah hian vaccine la thei mi maktaduai 960 vel hnena pek hi January, 2021 khan tan niin hna hautak tak a tling.
Ram hmunhma zir loh, a dahna tur um indaih lohna, vaccine hlauhna leh Covid-19 thawh hnihna thlengte chuan kawng a tihautak hle.
Boruak a ziaawm deuh hnuah a pek tihchak niin mi mal leh sorkar damdawi in hmun sang telah pek theiha kalpui a ni.
India hmarchhak kilkhawr lehzualah chuan vaccine hi drone hmanga thawn hial a ni.
Andamans & Nicobar Islands-a pek nan drone hi hman a ni bawk a, lawnga thui tak kalpui a nih hnuah drone hian thawn chhawn leh a ni.
Theihtawp chhuah ni mah se puitling zawng zawng hnena December 31, 2021-a pek kim hman vek tumna erawh a hlawhtling lo.
September 17, 2021 khan ni khat thilah dose maktaduai 20 pek niin hei hi Prime Minister Narendra Modi-a piancham kum 71-na puala beihpui thlakna a ni.
October thlaah dose tluklehdingawn pek tlin niin China dawta hetiang zat kai hmasa ber a ni.