Manchester United chuan Ajax Amsterdam atangin Pound maktaduai 57 in Argentina central defender Lisandro Martinez chu lalut turin inremna an nei fel.
Kum 24 mi hian Old Trafford-ah hian kum nga contract a ziak dawn a, kum khat ziah belh theihna a nei ang.
A insawnna tifel turin UK visa a neih phawt a ngai a, contract an ziak fel anga, medical a paltlang bawk ang. United hian a manah Pound maktaduai 49 an pe tla phawt anga, a bak Pound maktaduai 8.5 chu a khelhdan a zirin an pe anga. Pound maktaduai 2.2 chu Martinez a khelh tawhna club hlui hnenah a kal ang.
Martinez hian an ram club Newell’s Old Boys-ah bul a tan a, Argentinian club tho Defensa y Justicia zawm lehin kum 2019 khan anni hnen atang hian Pound maktaduai 6.3 in Ajax hi a zawm a, an tan vawi 120 a inkhel tawh.
Kum 2019 March khan Argentina tan inkhel tan tawhin ram tan vawi sarih a inkhel tawh a. Tun nipuiah Manchester United in player an lakluh pathumna a ni dawn a, Dutch full-back Tyrell Malacia leh Denmark playmaker Christian Eriksen te hnung a zui ang.