AC Milan chuan an veteran striker Zlatan Ibrahimovic chu an chelh chhunzawm dawn a, kum khat contract pawhseina an ziahpui.
Sweden striker hi October thla a kum 41 tling tawh tur a ni a. Season liamta khan Milan tan league goal vawi 8 khungin Serie A title an chawina kawngah a la tangkai.
Khup hliam avangin May thla khan zai a ni a, a hliam avang hian thla 8 vel inkhel thei lo tura ngaih a ni mek.
Ibrahimovic hian season liamta tawp khan season chawhnu lamah hliam nei chunga a inkhelh thin thu a sawi a. Kum 2020 khan AC Milan-ah hian kir lehin kum 11 chhunga a vawikhatna atan season liamta khan league-ah a champion pui.
Sweden tan inkhel leh bawkin vawi 121 khelin goal 62 a khung tawh.