AZL: Aizawl Venghlui huam chhung, Treasury Square leh a chhehvela zu leh ruihtheihthil dova duty-te chu Excise & Narcotics Department Minister Dr. K. Beichhua’n nimin tuk khan a tlawh.
Treasury Square leh a chhehvel thian fai turin kum 2019 khan hmalak tan niin Venghlui Branch YMA leh pa hote chhum lo chat lovin an duty thin.
Kumin hi a kum thumna niin kum 2022 hian YMA Kumpuan, ‘Ram leh Hnam Humhalh’ kawnga hmalakna atana hmang chhunzawmin duty an la kalpui zel.
Excise minister hian Venghlui paho leh a peih apiangten chawl lova kum thum lai duty an kalpuia hmun ralmuang leh nuam a chang ta chu lawmawm a tih thu sawiin, an duty zel dan turte a sawipui a, an thingpui inna senso leh a tula hman atan Rs 10,000 a pe bawk.
Treasury Square leh a chhehvelah hian duty ngawrh taka kalpui zel a ni a, ruihhlo zuar leh ti thinte pawh inthiarfihlim turin an ngen nghal.