Aizawl: Mizoram University hnuaia Under Graduate (B.A/B.SC/B.Com) zirlai eng emaw zatin nimin atang khan special exam an hmachhawn tan.
He exam hi zirlai CBCS course kalpui hma, 2011 atanga 2015 chhunga graduate hman ta lo hun remchang nei tawh lote tana buatsaih a ni.
Mizoram chhunga Examination Centre 18-ah special exam hi buatsaih a ni a, August 26, 2022 thleng a awh ang.
Special exam hi zirlai 600 bawr velin hlawkpui tura beisei a ni.
Controller of Examinations (COE) Prof. Lalnuntluanga chuan zirlai, an hun pangngaia degree la ve thei ta lote tana exam leh theihna hun remchang a in hawng leh chu a lawmpui thu sawiin, exam beitu zirlai zawng zawngte hlawhtling ngei turin duhsakna a hlan a ni.