Rel hmanga tuialhthei phurh luh dah khawlna, oil depot bunna tur hmun atan a ruahman, Bairabia mi chu nimin khan Food, Civil Supplies & Consumer Affairs Department hotute leh Indian Oil Coorporation Ltd. hotuten an enfiah.
Mizoram sorkar chuan tuialhthei dah khawlna tur changtlung zawk siam a nih theih nan hun eng emaw chen atangin oil depot bunna tur hmun a lo dap tawh a. IOCL-ten oil depot bunna tur atan a an ram mamawh zat, 30-35 acre chu Bairabi leh Sihhmuiahte en a lo ni tawh bawk.
FCS & CA Department leh IOCL hotuten Bairabia ram an endiknaah hian NF Railways-a thawktute pawh telin oil depot changtlung zawk bun a nih theih nana ruahmanna hrang hrangte an sawi ho a. Sihhmui ramte pawh an endik chhunzawm leh dawn a ni.
Ramdinliani, Secretary, FCS & CA hoa oil depot bunna tur enfiahnaah hian Dr. H. Andrew Vanlaldika, Director leh V. Laldinsang, Joint Director-te an tel a. IOCL Land Selection Committee aiawhin Joydeep Dey, DGM (Operations) Indian Oil AOD, State Office, Guneswar Ronghang, DGM (Engineering) Indian Oil AOD, State Office, Dipdyuti Chowdhury, DGM (Security) Indian Oil AOD, State Office, Bimalendu Sahay, CM (HSE), Zonal Office, Digboi an tel bawk a ni.