Real Madrid chuan an Japanese rawlthar beiseiawm Takefusa Kubo chu La Liga a an elpui Real Sociedad hnenah a nghetin an hralh.
Kubo hian San Sebastian hi Euro maktaduai 6.5 in a zawm a, Madrid hian an player hlui contract-ah hian chan an nei chhunzawm dawn a. Tlawm zawkin an lei letleh thei dawn a, anih loh chuan an hralh leh hunah a man atangin sum hmuh tur an nei ang.
Basque khaw club hian Kubo hi an lakluh tur thu an puang tawh a, Thawhlehni khan club-ah medical nei turin a thlen tahw thu an sawi.
Kubo hian kum 18 mi a nihin Real Madrid hi a zawm a, first team tan la inkhel lovin loan in vawi engemaw zat a chhuak tawh a, season liamta khan Mallorca tan inkhelin match 31 khelin goal thum a khung.