Hapania, West Tripura leh Rajnagar, South Tripura district-a BJP leh CPM mite intihbuainaah mi 20 vel hliam an awm thu police-te chuan an sawi a, tumah man erawh an nei rih lo.
Political party pahnihte hian tharum thawh hmasa leh beitu zawkah an inpuh tawn ve ve a, thuin an inbei zui nasa hle.
BJP thupuangtu, Nabendu Bhattacharjee chuan CPI (M)-in an puhna chu a dik loh thu a sawi a, “Heng hmun hniha buaina chhuakah hian CPM hruaituten thu hriam tak tak sawiin an party member-te an cho phur,” a ti a. “Rajnagar-ah phei chuan BJP worker-te chauhvin kut turin CPM mite tih vek a ni,” a ti bawk.
CPM hruaitute pawhin a thiam zawk an nih thu leh rorel lai party tantute hian an beih hmasak thu an sawi ve tho bawk.
Opposition leader Manik Sarkar chuan BJP-in rorelna an chan hnuah eptute beihna a zual thu a sawi a. “Chief minister hnena kan thlena kan ngen zin hle hnuah pawh, vanduaithlak takin awmzia engmah a awm lo va. Ni tin hian eptute beihna hi a thleng tam tawlh tawlh zawk a ni,” a ti.