India ramah darkar 24 liam ta chhung khan coronavirus kai hmuh chhuah chu a hma ni aiin 32% zetin an tam zawk.
Darkar 24 liam ta chhung hian Covid-19 kai mi 20,557 hmuh chhuah leh hman a ni a, a hma ni chiah kha chuan mi 15,528-in an kai tih finfiah a ni.
Hri kai enkawl lai mi nuai 1.45 chuang an awm mek a, hei hi a kai hmuh chhuah tawh zawng zawng, mi nuai 4.4 dawn zinga 0.33% an la ni.
Darkar 24 liam ta chhungin Covid kaihhnawiha thi mi 40 an awm belh leh bawk a. Mi nuai 5.26 velin an thihpui tawh a ni.
Darkar 24 liam ta chhung hian mi 19,000 dawn enkawl dama chhuahtir leh hman an ni a, a kai hmuh tawh zinga 98.47% chu enkawl dam an ni tawh tihna a ni.
Chawlhkar khat liam ta chhunga sample endik zinga 4.64% chuan hri an kai tih finfiah a ni bawk.
India-ah hian Covid-19 laka invenna pek beihpui thlak pawh kalpui zel niin dose vaibelchhe 200 chuang pek a ni tawh.
Naupang kum 12leh 14 inkar zinga vaibelchhe 3.81 chuan dose khatna dawng tawhin vaibelchhe 2.64 velin dose hnihna an dawng leh tawh bawk.
Kum 15 leh 18 inkar mi vaibelchhe 6.08-in dose khatna dawng tawhin vaibelchhe 5.02 chuangin dose hnihna an dawng tawh bawk.
Kum 60 chung lamte bakkah damdawi ina thawk leh hri leng beihnaa thawk mi vaibelchhe 4.64 chuanprecautionary (booster) dose an dawng tawh a; kum 18 leh 59 inkar mi vaibelchhe 1.46 chuangin booster dose hi an dawng tawh bawk.
India-ah hian kar hmasa khan vaccine dose vaibelchhe hnih pek tlin a ni a. Prime Minister Narendra Modi pawhin lawmawm a tih thu a sawi.