Aizawl: Power & Electricity department chuan online-a bill pekah harsatna a la awm avangin July thlaa pek theih hun chu karleh Zirtawpni thleng a pawt sei.
F Lalrinpuia, E-in-C, P&E chuan consumer thahnem takin online hmanga electric bill an pek theih tawh laiin billing system leh software tharin a huam chhunga consumer thenkhat tan online hmanga bill pekah harsatna a la awm tih sawiin, he harsatna ching fel tur hian theihtawp chhuah a nih thu leh hun reilo teah chin fel thuai beisei a nih thu a sawi.
Online-a bill pekah consumer thenkhat tana harsatna a la awm avangin July thlaa bill pek theih hun chhung chu Zirtawpni, July 29, 2022 thleng pawh se a nih thu a sawi bawk.