Covid-19 tuartu inhlawhfate tana Meghalaya sorkarin nikuma chhawmdawlna tur scheme a siam tichingpena Deputy Chief Minister Prestone Tynsong chu puh a ni.
Tangrual sorkar, MDA-a hotu ber dawttu, Tynsong-a hi portfolio lawk tak tak changin labour department a tel.
An puhnaah hian thil kalpui dan fel tawk lo leh a dawngtu turte hnena pawisa pek chhuah tihkhawtlai pawh telin activist Angela Rangad chuan Shillong-a Secretariat tualah lungawi lohna a lantir.
Rangad-i hian Thawhtanni atang khan lungawi loh lantir hi tanin state sorkarin a dawngtu turte hnena pawisa an pek hma leh a dawngtu turten dik taka an dawn hma chuan a lantir zui zel dawn tih a sawi.
Deputy chief minister Tynsong hian ni tin inhlawhfate puihna tur thil tichingpena puhna hi a pha nasa hle.
Rangad-i chuan Rs Vaibelchhe 52 zet sorkar hian inhlawhfate tan pawisa a pe chhuak (sanction) a; mahse, a zahve aia tam chu khawiah nge a awm hriat a ni lo niin a sawi.
Tangrual sorkar chu mi hausate sorkar leh ei ru sorkar niin a puh bawk.
Pisa kai chhung zawng ni tin deputy chief minister hi tanpuina sum a tihchingpen hriattir thar nan lungawi lohna hi a lantir zel dawn tih a sawi a. Inhlawhfate leh sumdawng tenaute hnen a thleng ngei tur a ni tih a sawi bawk.
Rangad-i hi Thma u Rangli (TUR) pawl hruaitu niin inhlawhfate leh khawlaia thil zuarte tana ding thin an ni.