India ramah darkar 24 liam ta chhungin coronavirus kai mi 21,566 hmuh chhuah leh niin ni 152 hnua a tam leh ber tum a ni.
Hri kai hmuh tharte nen hian India-ah mi 4,38,25,185 zetin an kai ta a, a kai enkawl lai pawh pung zelin mi 1,48,881 an la awm mek tih union health ministry chuan a tar lang.
Darkar 24 liam ta chhungin mi 45-in thihpui leh hmanin mi 5,25,870-in an thihpui tawh a ni.
Hri kai enkawl lai hi a kai hmuh tawh zawng zawng atanga chhutin 0.34% an la ni mek a, 98.46% erawh enkawl dam an ni tawh thung.
Darkar 24 liam ta chhungin enkawl lai hi mi 3,227-in an pung leh hman a ni.
Darkar 24 liam ta chhunga sample endik zinga 4.25% chuan Covid an kai tih hmuh chhuah niin chawlhkar khat liam ta chhunga endik zinga 4.51%-in an kai thung.
Hri kai hmuh tawh zinga mi 4,31,50,434 chu enkawl dam tawh niin a kai zinga 1.2%-in an thihpui tawh.
Invenna pek beihpui thlak kalpui mek zelah health ministry chuan vaccine dose vaibelchhe 200.91 chuang pek a nih tawh thu an tar lang bawk.