Manchester United attacking midfielder hlui Jesse Lingard chuan free transfer in Premier League kaithar club Nottingham Forest a zawm fel teuh tawh hle.
Kum 29 mi leh Forest te hian contract chungchanga inbiakna thuk tak an nei tawh a. Inremna erawh la nei lo mahse an nei thuai tura ngaih a ni.
England tana vawi 32 inkhel tawh Lingard hian kum 20 chuang hun a hman tawhna club United hi June thla khan a chhuahsan a, an hnena contract a hman zawh hnuah ziah belh loh a thlang zawk.
Loan a hlawhtling taka a lo khelh tawhna West Ham United a kir leh tura sawi a ni hman a, nimahsela inbiakna a tluan tling lo.
Hammers tan hian 2020-21 season khan loan a hun a hman chhungin Premier League-ah vawi 16 bul a tan a, goal 9 a khung.
Lingard hian season liamta khan Manchester United tan match 22 a khel a, mahse substitute bench atanga a luh a tam zawk a, match li chiah inkhel bul a tan.
Italy lam atang pawha ngaihventu nei Lingard hi Premier League club ten an duh hlawm hle a, Everton nen pawh an indawr tawh.