Aizawl: Hachhek bialtu MLA Lalrindika Ralte chuan Zawlnuam khuaa Hill Rose Filling Station chu nimin khan a hawng. Hachhek biala a hmasa ber a ni.
K Lalhmachhuani kaihhruai hawnna inkhawmah khuallian Lalrindika Ralte chuan a bial chhungah India ram mai ni lo, khawvel huap pawha company lian leh rintlak, Indian Oil Corporation outlet a awm ta chu a ropui a tih thu a sawi a. “Khawthlang mipui, ka bial mite economy hi a chawikang dawnin ka hria a. Ka lawm em em a ni,” a ti.
Lalrindika Ralte chuan hlawhtlinna awmna hi a piah hle a, mi hlawhtlingte hian kawng thui tak an zawh a, harsatna tam tak paltlangin hlawhtlinna an chang a. Chutianga rim taka thawka hlawhtlinna chang Hill Rose Filling Station neitu, PC Zohmingthanga te chhungkua chu a lawmpui thu a sawi bawk.
He hun hi Mamit DC Lalnunhlua pawhin khualzahawm niin a hmanpui bawk a ni.