Aizawl: Health department chuan tun hnaia Thenzawla thosi seh atanga kai theih Japanese Encephalitis hmuh anga sawi chu laboratory changtlung zawka enin a negative tih an sawi.
Sorkar thu chhuah chuan Thenzawl khuaa JE natna hmuhchhuah nia sawi awm chu ELISA (antibody test) hmanga hmuh a ni a. Hei hi finfiahna a nih loh avangin a CSF sample hi test-na rintlak zawk, Real Time PCR-a enfiah turin Lal Path Laboratory, Kolkata-ah thawn a ni a. July 20, 2022-ah result chhuakin sample hi a negative a. Hei vang hian JE a ni tih pawm theih a nih loh thu an tar lang.