Mizoram mamawh kawlphetha lei chungchang sawiin nimin khan Chief Minister Zoramthanga hoin an thukhawm.
CM Cabinet Meeting room-a thutkhawmah hian Power & Electricity Minister R Lalzirliana, Adviser to CM (Technical) Er. K. Lalsawmvela, P&E Secretary H. Lalengmawia leh P&E department thawktu dangte an tel.
Thutkhawmah hian state sorkarin power company hrang hrang atanga kawlphetha a lei dan leh sum sen dan te, an thawhho hun chhung tur te, kawlphetha siam chhuah kawnga ruahmanna awm te sawiho a ni.
Kawlphetha mamawhna a san chhoh zel avangin a leina sum sen pawh a tam zel a, sum sen pawh a tam zel avangin man man zawka lei theih tur zawn a pawimawh thu te, a siam chhuah kawnga environment-friendly zawk te ngaihpawimawh tur a nih thu te sawi a ni bawk.