Aizawl khawpui faina leh thianghlimna atana pawl din Clean Aizawl City chuan nimin khan Sialhawk Welfare, Aizawl te hnenah faina kawnga an hmalakna avangin chawimawina an hlan.
Inter Village Football Tournament khelh zawh taka final lut Sialhawk VC Team fans te hian 1st Round atanga final thlengin an kalsan field hnuhma te an thianfai vek zel a. Hei hi Clean Aizawl City chuan ngai hluin, faina kawnga tih hmuhtu an nih vangin chawimawina hi an hlan.
He hun hi an pawl President, Commissioner Lalkiamlova'n a hlan a, Sialhawk Welfare hruaitute leh Sialhawk VC Team, coach te an tel a ni.