Manchester United lakluh tum Frenkie de Jong chuan Barcelona chhuahsan a duh lova, a chhuak dawn a nih chuan kum 25 mi Netherlands midfielder hian Red Devils aiin Bayern Munich emaw Chelsea pan a duh zawk. (Sport)
French defender Jules Kounde chuan darkar 48 chhungin Chelsea medical a nei fel dawn a, Blues hian kum 23 mi manah hian Sevilla hnenah Pound maktaduai 55 an pe ang. (The Sun)
Blues hian RB Leipzig a khel kum 20 Croatia defender Josko Gvardiol chu Barcelona pan tura ngaih Spain full-back Cesar Azpilicueta, 32, thlaktu tura an duh ber a ni. (The Sun)
Premier League kaithar Nottingham Forest chuan Watford atangin kum 24 mi Nigeria forward Emmanuel Dennis chu Pound maktaduai 25 vela lakluh theih an inbeisei. (Daily Mail)
Manchester United chuan Pound maktaduai 51 a an ngamna hnawl ni tawh mahse Ajax a khel kum 22 mi Brazil winger Antony chu an la ngaihven reng. (Talksport)
Leicester City chuan AS Monaco atangin Boubakary Soumare lei tura Pound maktaduai 15 a dilna an hnawl a, nikum nipui a kum 23 mi la let tura Pound maktaduai 23 an sen chu hmuh let an duh. (Daily Mail)
Foxes hian player an lei theihna turin an inhralh hmasak phawt a ngai dawn a. Hei vang hian England midfielder James Maddison, 25, Nigeria forward Kelechi Iheanacho, 25, leh Belgium full-back Timothy Castagne, 26, te dilna an ngaithla ang. (Telegraph)
Barcelona chuan Tottenham a khel Sergio Reguilon, 25, chu Chelsea atang a hnampui Marcos Alonso, 31, an lalut thei dawn lo a nih chuan an ngaihven ang. (Mundo Deportivo)
Benfica left-back Alejandro Grimaldo chu Manchester CIty hnenah zawrh an ni a, Oleksandr Zinchenko thlaktu atana an duh Marc Cucurella chu Brighton in a manah Pound maktaduai 50 an beisei. (Inews)