Ultimate Fighting Championship a fighter tan hlawh thei tak Sean O'Malley chuan Octagon a luh leh hunah khingpui namai lo tak a hmachhawn dawn a. Bantamweight champion hlui Petr Yan nen October 22-ah an intum dawn.
Abu Dhabi a neih tur UFC 280-ah an intum tur thu kum 27 mi hian a sawi chiang a. UFC 276-ah Pedro Munhoz nen an intum tumin mita an inkhawih fuh avangin bout tihtawp a ni a. Hemi hnuah hian a la inlan leh lo.
O’Malley hi 15-1-1 record nei lai niin MMA a star lar chak ber zing ami a ni a. UFC-ah 7-1 record neiin no contest vawikhat a nei.
Hetihlai hian anni chauh hi Abu Dhabi a inlan tur bout lian a ni lova. UFC 279 main event ni tura ngaih bantamweight title fight pawh sawn a ni a. Champion lai Aljamain Sterling leh TJ Dillashaw te an intum dawn.
Anni bakah hian lightweight fighter tha leh hmasawn, champion inchuhna a hming ri ring sawt tak Beneil Dariush pawh a inlan ve dawn a. Mateusz Gamrot nen an intum ang. He bout a chak zawk hian title an chuh zui a rinawm tawh hle.