Africa khawmualpui a football thuneitu Confederation of African Football chuan chawimawina a sem a, hetah hian African Footballer of the Year atan Sadio Mane chu a zawna vawi hnih nan an thlang.
Morocco khawpui Rabat a chawimawina sem zanah hian Bayern Munich forward hian chawimawina lian a hawn a. Senegal in an ram chanchin a vawikhatna atana Africa Cup of Nations an chawi theihna kawnga hmahruaitu a nih avangin chawimawina a dawng.
Kum 30 mi hian final-ah Egypt an hnehna tur chakna penalty a khung.
Kumin CAF Awards hi kum thum chhunga an sem vawikhatna a ni a. Covid 19 hripui leng avangin an chawlh hnuah sem chhunzawm a ni a. Hmeichhe lamah Barcelona striker Asisat Oshoala chuan kum 2019 a a dawn tawh chawimawina hi a dawng nawn ve bawk.
“Kuminah he chawimawina ka dawng thei hi ka hlim tak zet. Senegal mipuite hnenah lawmthu ka sawi a, he chawimawina hi kan ram a thalai zawng zawng hnenah ka hlan.” tiin Mane chuan chawimawina a dawn hnuah a sawi zui.Senegal tan kum tha
CAF Awards-ah Senegal an che tha hle a. Mipa inelna lama chawimawina an sem pasarih zinga panga an la.
An coach Aliou Cisse chuan Coach of the Year chawimawina a dawng a. Men’s Team of the Year bakah Young Player of the Year leh Best goal chawimawina te an dawng vek.2022 CAF awards winners:
Player of the Year (men) : Sadio Mane (Senegal & Bayern Munich)
Player of the Year (women) : Asisat Oshoala (Nigeria & Barcelona)
Coach of the Year (men) : Aliou Cisse (Senegal)
Coach of the Year (women) : Desiree Ellis (South Africa)
National Team of the Year (men) : Senegal.
Young Player of the Year (women) : Evelyn Badu (Ghana & Sekondi Hasaacas Ladies/Alvaldsnes)
Young Player of the Year (men) : Pape Matar Sarr (Senegal & Tottenham Hotspur)
Club of the Year (women) : Mamelodi Sundowns (South Africa).
Club of the Year (men) : Wydad Athletic Club (Morocco).
Interclub Player of the Year (women) : Evelyn Badu (Ghana & Sekondi Hasaacas Ladies/Alvaldsnes)
Interclub Player of the Year (men) : Mohamed El Shenawy (Egypt & Al Ahly).
Goal of the Year : Pape Ousmane Sakho (Senegal & Simba)