Ferrari car khalhtu Carlos Sainz chuan naktuk zana French Grand Prix intlansiak turah engine part thar a hman dawn avangin ‘grid penalty’ a tuar dawn a. A hnung lam atangin intlansiak bul a tan a ngai ang.
Sainz hi Austrian Grand Prix-ah a car engine a kang a, hei vang hian tunkarah engine thar a hman a ngai. Formula 1 danah driver tinin car part hrang hrang a thar hman theih chin bituk an nei thin.
Sainz hian a Electronics Control Unit pathumna a hman a ngai dawn a, hei vang hian 10-place penalty a chungah kenkawh a ni dawn. Heng bak te hi car part thar hman belh a la nei mai thei.
Zirtawpni zanah free practice vawi hnih tlan a ni a, vawiin tlaiah a vawi thum nan an tlan hnuah qualifying tlan a ni dawn bawk.