Liga MX a khel Pumas UNAM chuan Brazilian right-back Dani Alves chu an lalut dawn.
Alves hian Mexican club hi a zawm fel teuh tawh hle a. A insawnna hi tihfel a nih hnuah tun nipui player an lakluh langsar ber a ni ang.
Zirtawpni zing khan Pumas leh Alves te hian kum khat contract an ziak a, kum khat ziah belh theihna a awm.
Kar hmasa lam khan Alves hian Mexico lam pan a hnaih niin a lo sawi thawi tawh a. Kum 39 hi khawvel football a mipa inelna a player hlawhtling ber a chhal a ni a, title 44 a la tawh.
Pumas hi a zawm a nih chuan Mexican team hlun, kum 2011 atanga league champion la ni leh miah lo te kaihthawh tumna kawngah a tawnhriat a hmang tawh ang.