Road Transport & Highways Minister Nitin Gadkari chuan kum 2021-22 chhungin a kaihhruai ministry chuan National Highways km 13,327 an sial hman thu a sawi.
Minister chuan 2020-21 chhung hian ni tin kawngpui km 37 chuang an siam hman thu a sawi.
Parliament-a rorelna in hniam zawk, Lok Sabha-a ziaka nimina zawhna a chhannaah Gadkari chuan ram pum leh state bila COVID-19 avanga inkharkhip kalpui chuan kawng siam hna an thawhna tura hmanraw pawimawh leh khawl bakah thawktute kal vel pawh nasa takin a buai phah tih a sawi a. Hei hian kawng siam hun tha tam tak an hloh phah tih a sawi.
A kaihhruai ministry chuan hripui leng chu nasa takin tuar mah se Atma Nirbhar Bharat leh COVID-19 avanga contractor hnena puihna pek leh chhawmdawlna pek leh an hna thawh tur hun chhung pawh thla thum atanga thla kua laia pawh sei a nih thu a sawi bawk.