German racing driver Sebastian Vettel chuan season tharah Formula 1 a intlansiak chhunzawm a la duh thu a sawi chiang.
Kum 35 mi vawi li lai world champion ni tawh hian kum tawpah Aston Martin a contract a neih a hmang zo dawn a. Tunhnaiah a hmalam hun chungchangah titi a tam.
Naktuk zana French Grand Prix an tlan hma a chanchinbumite an kawmnaah Vettel chuan a hmalam hun chungchang zawhna a chhang a. “Team nen kan inbe mek a, hmalam pan dun zel tumna pawh a awm. Engtinnge kan kal zel dan tur erawh a hriat chho zel dawn a, kan inngaichang zel ang.” a ti.
Aston Martin lam pawh hian tawnhriat nei tha tawh Vettel hi an hnena a season thumna hmang ngei se an duh niin sawi a awm ve bawk a. Hetihlai hian McLaren-ah che tha tawk lova ngaih Daniel Ricciardo thlak thei tura sawi zingah a tel.