Aizawl: Sumdawng pawl intelkhawm, Mizoram Merchant Association (MIMA) Gen. Hqrs chuan Minimum Wages barh luih an duh lo.
Nimin khan MIMA General Hqrs. Executive meeting chuan Shops & Establishments Act hmanga minimum wages anga sorkara MR hlawh ang maia Mizorama dawrkaite hman tura proposal, cabinet meeting a thehluh tum a nih chungchang an sawiho a, minimum wages anga hlawh bithliahsaka sumdawngte mi chhawr, hlawh siamsak chu proprietorship-ah India ram state khawiah mah hmanna a awm lo tih an sawi.
Industry lian, private hospital, insurance, dactory lianah chauh minimum wages chu hman a ni a, hetianga sumdawngte barh luih tumna chu an hrethiam lo tih sawiin, a pawm thei lo tih thuchhuah siamin an tarlang.
Hemi duh lohna chungchang hi Chief Minister ah thlen tum a ni a, Cabinet meeting pawhin pass lo turin an ngen nghal bawk.