Aizawl : Kolasib Sub-Headquarters YMA hmalaknaa kumin chhunga ruihtheih thil chi hrang hrang an man Rs 330100 man hu chu Diakkawn-ah hal ral a ni.
Ruihhlo hal ralna huna tel Minister of State K.Lalrinliana chuan, ruihtheih thilin Mizoram hmun hrang hranga chhungkuaah buaina a thlen nasat thu sawiin, mihring hmasawnna daltu leh tithuanawmptu a nih thu a sawi.
Ruihtheih thil dap leh man chhuahna kawnga YMA hnathawh chu ropui a tih thu a sawi a. An hnathawh chhunzawmna kawnga a tul apianga hman tur Rs. 70,000 a pe bawk a ni.
Kolasib bawrhsap John LT Sanga pawhin thu sawiin, India ram puma ruihtheih thil hman sual tamna district 272 thlan chhuah zingah Kolasib chu a tel thu leh ruihhlo that lohna inzirtir tura hmalakna ‘Nasha Mukt Bharat Campaign’ pawh kalpui tan a nih mek thu a sawi.
Nimina ruihtheih thil tih ral te hi Heroin hawng 1 leh Bagha Cap 350, Ganja kg 2 leh packet te 58, Yeast Gram 500, Beer can 44 leh sap zu case 15 a ni a, Rs.3,30,100 man hu bawr vel anga chhut a ni.