Bundesliga champion Bayern Munich chuan French rawlthar beiseiawm Mathys Tel chu lalut turin Stade Rennais nen inremna an nei.
Hun engemaw chen inbiakna an neih chhungin Rennes hian Bayern Munich dilna hi vawi thum an hnawl hman a, a vawi lina erawh an pawm.
Tel hian Bayern Munich-ah medical a nei thuai anga, United States a pre-season inbuatsaihna an neih turah a tel ve leh nghal ang.
Club pahnihte inremna hi puanzar ni lo mahse Bayern hian Euro maktaduai 30 vel an pe tura ngaih a ni a, an inpektlak dan tur erawh hriat a ni lo.
Season liamta khan Rennes chanchin a player naupang ber ni turin Ligue 1-ah khelh tir tan a ni a, an tan vawi 10 a inkhel hman.
Striker che rang niin Rennes B team tan match ruk atangin goal ruk a khung bawk.
Hetihlai hian Bayern in an senior team atana striker Harry Kane an awh thu an sawi chu Tottenham manager Antonio Conte chuan inzahlohna nia a ngaih thu a sawi.