Europe a football club lianten season thar atana inbuatsaihna an nei mek a. Inrinni zanah pawh club lian hrang hrangten friendly an khel a. Team inbuatsaihna inkhelah an player thar te club thenkhatin an phochhuak a, an langsar nghal.Man City striker thar
Khawvel football a player ngaihven hlawh ber zing ami a ni a, tun nipuiah Europe a team tha bera mi tam takin an ngaih Manchester City a zawm. Erling Haaland-a’n a club thar tan a vawikhatna atan Bayern Munich hmachhawnin football a khel a, goal a khung nghal.
United States a pre-season tour hmang mek team pahnihte hi Wisconsin-ah khawchhe hnuaiah an inkhel a, kum 22 mi hian hliam neuh neuh avangin City match hmasa zawk a khel tawh lova, khelhtir a nih ve tumah erawh goal khung turin minute 12 bak a mamawh lo.
City boss Pep Guardiola chuan, “Goal a khung a, a pawimawh. Heng goal hi chu a khung fo thin a ni. Tunah chuan a hliam a damchianna tura kan inenkawl a pawimawh ber rih.” a ti.Arsenal chak leh tawh
Tun nipui a team inthawmtha nasa Arsenal in player lakluh la ngah lo Chelsea chu 4-0 in an sawp a. Pre-season-ah vawi li atangin vawi li an chak a, goal 14 an khung tawh.
Florida a inkhelah Gunners tan Gabriel Jesus, Martin Odegaard, Bukayo Saka leh Albert Sambi Lokonga ten goal an khung a. Chelsea boss Thomas Tuchel chuan, “Kan tha tawk lova, lungawina chi pawh a ni lo. Kan squad a tha tawk lo tih a chiang hle.” tiin inkhel zawhah inthuamthat an mamawh thu a sawi.Barca tan Raphinha
Las Vegas ah El Clasico khelh a ni a. La Liga champion Real Madrid leh an hmelma Barcelona te an inkhel a, 1-0 in Barcelona an chak.
Barca tan tun nipui a Pound maktaduai 55 a an lakluh Brazil international chuan goal a khung a, pre-season-ah match hnih atang goal hnih a khung tawh.Inrinni
Club Friendly
Manchester United 2 – 2 Aston Villa
Paris Saint-Germain 3 – 0 Urawa Red
Diamonds
Borussia 1 – 1 Real Sociedad
Monchengladbach
VfB Stuttgart 5 – 2 Valencia
Preston North End 1 – 2 Leicester City Rangers 1 – 2 Tottenham Hotspur PSV Eindhoven 2 – 1 Real Betis
Trabzonspor 0 – 3 Torino
Zalaegerszegi TE 3 – 2 AC Milan
Lens 1 – 0 Internazionale Wolverhampton 3 – 0 Besiktas
Wanderers
AS Roma 1 – 1 Nice
Bayern Munich 0 – 1 Manchester City Arsenal 4 – 0 Chelsea
Real Madrid 0 – 1 Barcelona