Jammu & Kashmir union territory-ah police chuan Zirtawpni zing khaw var hma khan vansanga thlawk, IED kg ngaa rit phur chu Jammu-a Kana Chak vengah an kap thla.
Police hotu lian pakhat chuan ramri, International Border bul, Kana Chak-a drone thlawk hmuh a nih thu an dawn veleh Quick Reaction Team (QRT) tirh chhuah nghal niin anti drone strategy an neih angin hma an la nghal tih a sawi a. Drone hi hmuh chian a nih veleh an kap thla ta tih a sawi bawk.
Ral atanga thunun theih vansanga thlawhna te thlawhtir thin, drone an kah thlak hian thla paruk a nei a. A thla paruk zinga pangaah hian IED kg nga phurhtir a ni a, hei hi manin chiang zawka chhui zui mek a ni, a drone pawh hi uluk zawkin an zir zui ang.
Drone hi India ram chhung chin, International Border atanga km ruk vela hlaa kah thlak a ni.
Tun hi Jammu leh International Borders vela drone hmuh vawi khatna a ni lo va. Jammu airbase-a June 27-a drone tihpuah a ni tawh bawk a ni.