Mental problem vanga tour thulh a, In lama inkhung mek zaithiam Shawn Mendes dinhmun a hriatthiampui hle niin, Demi Lovato-i’n a sawi.
Rilru lama harsatna hrehawmzia leh manganthlakzia hi Demi hian a hrechiang hle a, huntawn harsa leh khirh tak a nih vangin Shawn-a dinhmun tur leh a tawrh nat dan tur chenin a hriatthiampui a ni.
Karson & Kenndey Talk programe kaltlangin Demi chuan, “Zai chhuak tura inpeih loh boruak rihzia ka hriatchian em vangin Shawn-a thil tawn pawh hi ka ‘relate’ pui thei khawp mai. Rim taka hna thawh hnu-a chauh tawngkhawng dan thlengin ka hrechiang hle.
“Feeling nuam leh hlimawm a ni reng reng lova, mental health chungchang han tawn chiah hian a lo harsatzia leh manganthlakzia hi chiang fekfawkin kan hmu mai. Ka tawrhpuiin, ka hriatthiampui hle a ni,” a ti.
Chawlh hahdam ngai
Tarlan tawh angin, July 8 khan Shawn chuan instagram kaltlangin mental health vanga harsatna a neih hnu in tour kalpui tur hmachhawp zawng zawng chu a tihtawp vek thu a puang a, remchang hmasa berah tour date puan a nih tur thuin fan te a hriattir.
‘Wonder world tour’ chu kar thum chhung a chawlhsan rih dawn niin, Shawn Mendes-a’n a sawi.
Instagram kaltlangin, “Rilru na tak chunga sawi a lo ngai ta a, vanduaithlak takin thu leh awm hma chu kar thum chhunga tour chawlhsan lailawk a ngai dawn tlat mai.
“Kum 15 mi lek ka nih lai atang tawhin tour ka nei tan a, zep lovah chuan thiantha leh chhungte nena in inhlat a, zinchhuah reng kha a harsa thin em em a ni. Hun eng emaw chen ka chawlhsan hnu-a tour nei leh thei tura inpeih nia ka inngaih chiah khan a lo la hun lohzia ka hrechuak nghal chawpchilh a, zinkawng chauh thlak mai bakah kil hrang hrang atanga pressure tam tak lo awm ve reng khan min tuam chhuak reng a, kal zel thei lo dinhmunah ka inhlangkai.
“Ka team leh hriselna lama mithiamte ka rawn kual hnu ah ka dam chian nan hun ka duh tih ka hrechhuak a, a bik takin rilru lama harsatna ka neih te tuam dam nan chawlh ka mamawh hle bawk a ni. Thu thar a awm veleh ka rawn hriattir leh thuai ang che u,” tiin a ziak.