Kerala, India-a sangha mantu rualte chuan whale luak (ambergris) an chhar a, Rs. vaibelchhe 28 zet man a ni a, thuneitute hnenah an hlan.
Sangha mantute hian Vizhinjam bulah ambergris hi an chhar a ni.
Ambergris chhar hi kg 28.400-a rit a ni a, Zirtawpni tlai khan khawmualah hnuk chhuakin tuipui kam police hnenah an hlan nghal a ni.
“Ambergris hi kan kutah an rawn hlan a. Keini chuan forest department lam kan hrilh leh a, an kutah kan hlan veleh a ni,” tiin coastal police chuan Inrinni khan PTI an hrilh.
Forest department pawh hian ambergris hi Rajiv Gandhi Centre for Biotechnology (RGCB)-ah whale luak ngei a ni em tih finfiah turin an pe veleh chhawng bawk.
Ambergris hi kg khat pawh Rs. vaibelchhe khat man a ni.
A hralh chhuah erawh a harsain India-ah pawh dan hmanga khap tlat a ni a, whale hi rannung mang mai hlauhawm zinga a tel tawh avangin Wildlife Protection Act hnuaiah khauh taka venhim a ni.