Aizawl hmel hmang mawi zel nan hmasawnna tur a la tam
Aizawl khawpui hmelhmang leh kawng tinrenga hma a sawn theihna turin Aizawl Municipal Corporation (AMC) in hma a la nasa hle mai a, kawng dik kan zawh tan mek nia a lan lai hian hmasawnna tur erawh tam tak a la awm bawk niin a hriat.
Hetiang hi kan dinhmun a nih avangin AMC Mayor pawhin hnathawk tak tak tur chuan thuam chak a la ngai hle tih Second Mizoram Finance Commission hmaah a sawi a, hmasawnna hi kal zung zung thei se a tha hle bawk.
Second Mizoram Finance Commission hotute chu Zirtawpni khan AMC office, Thuampuiah lengin an zirchiang a, he hunah hian Lalrinenga Sailo chuan AMC-ah hian 12th Schedule of Indian Constitution-in function transfer tur a tih zingah tam tak transfer a ni tawh chungin hnathawk tak tak tur chuan AMC hi thuam chak a la ngai hle tih a sawi a ni.
Hmasawn leh tihchangtlun a ngaihna kawng tam takah hian sorkar hian theihtawp chhuah se la, kan ram leh hnam hmel lanna pawimawh tak pakhat a nih miau avangin Aizawl khawpui hi ngaihtuahin, tihhmasawn zel kawngah AMC hi tichak zual zel mawlh rawh se.