Aizawl : Mizoram youth commission (MYC) Chairman Dr. Vanlaltanpuia’n Union Minister of Education Darmendra Pradhan hmuin, MZU Southern Campus din a nih thuai theihna tura a rang lama hmalakpui turin a ngen.
Dr Vanlaltanpuia chuan MZU Southern Campus din chu kum rei tawh tak atanga an beisei leh nghahhlelh a nih thu sawiin, a thuphunga remtihna pawh Ministry atanga lehkha an hmuh tawh thu a sawi a. A dinna tur ram pawh state sorkarin a bial Lunglei North chhung Pukpui Mausep rama a ngaihtuah fel tawh thu a sawi.
Class tan lailawkna atan Mizoram engineering college building sak zawh tawh hman tum a nih thu leh a panna kawng, Tui connection leh Electric supply te pek tuma hmalak mek a nih thu pawh Vanlaltanpuia chuan a sawi bawk.
Rajya Sabha MP K Vanlalvena pawhin Minister of State, Education RK. Ranjan Singh hmuin, MZU Southern Campus chungchang chu a sawpui ve bawk a ni.