AZL: October 4-9, 2022 hian Rajiv Gandhi Stadium, Mualpuiah sipai (Agniveer) lak runpui neih a ni dawn.
Nimin khan Dr. Lalhriatzuali Ralte, DC Aizawl hovin sipai lak tur atana inbuatsaih dan tur chungchangah department kaihhnawih hrang hrangte nen sawihona hun neih a ni a. Army Rally hriattirna hi August thlaah chhuah a ni ang a, online-in emaw, form hmangin emaw dilna thehluh theih a ni ang.
Form hi District Sainik Office, Assam Rifles office leh Common Service Centre (CSC) ah te lak leh in register theih a ni ang. Form leh in register-na man hi a thlawn tur a ni.