Taliban te chuan Afghan model leh YouTuber lar ni bawk Ajmal Haqiqi chu manin, an nghaisa nia hriat a ni.
Haqiqi rual hian midang pathum pawh man niin, Islam leh Quran zahlohna kalpuiah puhin, an hreng mek.
Model Haqiqi hi fashion show-ah te inlan, modelling event hrang hrangte pawh sawm hlawh tak niin, YouTube video a siam pawhin hlut a hlawh thin hle. Amaherawhchu, Taliban hovin Afghanistan sorkar thuneihna an chhuhsak hnu ah erawh a khawvel a inlet ta thawk mai a ni.
Mihring dikna leh chanvo humhalhtu pawl i an AMNESTY International chuan an mi hren te chhuah zalen turin Taliban ho hnenah ngenna an thlen mek.
Nikum August thlaa Taliban hovin sorkarna an chan atang khan media lakah hrekna namen lo an kalpui nghal vut vut a, mihring dikna leh chanvo palzutna nasa tak a thlen chho nghal nasa hle.