Aizawl : India ram zalen champha vawi 75-na (Azadi ka Amrit Mahotsav) pualin nimin khan Mamit-a Chhimveng YMA Hall-ah Seminar an buatsaih a ni a. Mamit district Add. DC Lalfakzuala’n telpuiin, zalenna sualtute hriatreng pawimawhna te, Mizo history pawimawhna bakah zirchian leh hriat belh tur tam tak a la awm thu te a sawi.
He seminar-ah hian Resource person Omega Vanlalduata, Assistant Professor, Department of Mizo, Govt. Mamit college-in Lalsuthlaha chanchin sawiin, a huaisen zia, hnam a hmangaih zia, Mizote tan lal ropui tak a nih thu leh Mizote tana ram chhan nana nunna chan hmasaber a nih thu te a sawi a. Sawihona hun an hmang bawk.
Seminar hi Art & Culture department, Higher & Technical Education department leh Govt. Mamit college te tangtlangin an buatsaih niin, Joseph Duhlian, Associate Professor Govt. Mamit college-in a kaihruai a ni.