Chhiatna nasa zawk a thlen loh nan fimkhur hmasak a tul
Fur khawcheng hun kan thleng mek a, khawpui chhung hmun thenkhatah chhiatna thawm hriat tur a awm leh tan neuh neuh ta mai. Mitin kan fimkhur a, kan in leh a vel kan en uluk bakah, kan chetvelna kan fimkhur deuh deuh a va tul em.
In sa thar turte pawhin kan in sakna hmun a him leh him loh chian hmasa thin ila, a hnu lehzela harsatna kan tawh loh nan fimkhurna i vawng hmasa fo thin ang u.
Tunhnaia ruahsur nasa vang hian Republic Vengah chuan chhungkaw thenkhat an in leh lo chhuahsan ngai khawpin an in a che leh a, a pawi hle. Khuarel chhiatna thleng thin hi chu kan sawitheih a awm lo a, inven lawk dan vak pawh a awm hek lo. A theih ang anga intuamhlawm hi kan theih a ni mai a, chhiatna leh nunna hial chan phahna thleng lo se a duhawm thin hle bawk.
Kan hmalam hun zelah pawh hian fimkhur tlang ila, keimahni tawrh let theih chhiatna thleng thei hi i inveng lawk hram hram thin ang u. Eng nge kan tawn leh hmachhawn dawn a hriat loh avang hian in sa thar turte pawhin kan awmna lei a ngheh that leh that lohte fimkhur taka en chungin a ruh rel din i ching fo ang u.