Aizawl : I&PR Minister Lalruatkima’n nimin khan Helen Lowry college graduation day cum freshers’ social vawikhatna a hmanpui a. Mihring nun kal chho ah lehkha thiam an hlu hle tih sawiin, zirlaite chu mi tangkai, khawtlang leh ram tana ban rinawm ni turin ramin a beisei thu a sawi.
Lalruatkima chuan zirlai hlawhtlinna chang te chu tumruhna neia an tih hram hram rah seng ta an nih thu sawiin, "Mi tumruh leh taima tan hlawhtlinna a inhawng zel a, a inhawng zel dawn bawk a ni" a ti a. Mahni inzir peih a pawimawh thu leh syllabus a awm lo zir tur tam tak nunah a awm teuh thu a sawi.
Hlawhtlinna tehna pakhat chu eizawnna bulbal tha neih a nih thu I&PR Minister Lalruatkima chuan sawiin, sorkar hna chauh hna a ngai lova mahni kutkawih thiamna hrang hrang hmanga dingchhuak nih tum turin zirlaite a chah bawk.