Portuguese superstar Cristiano Ronaldo chuan chhungkaw lam chhuanlam a Manchester United pre-season a la zawm ve loh hnuah Thawhlehni khan Manchester khawpui a lut a. Manchester United manager Erik ten Hag nen a hmalam hun sawiin inbiakna an nei nghal dawn.
Kum 37 mi Portugal forward hian tun nipuiah club in dilna mumal tak an hmu a nih chuan chhuah a duh thu club hnenah a hriattir tawh a. A hma hun a chian loh avangin Thailand leh Australia a pre-season inbuatsaihna an neihah a tel tawh lova. Chhungkaw harsatna avang niin club in an sawi.
Training zawm nghal lo mahse Manchester-ah a kir leh tawh a, Thawhlehni khan a agent nen United hmunpui an pan.
United manager thar Ten Hag hian Ronaldo hi a ruahmannaah a tel thu a lo sawi tawh thin a. Club in an zuar lova, an hnena contract a la neihlai bak chu a ziah belh zawk theih thu a lo sawi tawh.
Club a zawm tirh pawhin Ronaldo nen inbiakna an nei a, an ruahmannate sawidunin tha taka an indawr theih thu Ten Hag hian a lo sawi tawh bawk a ni.