Filmstar hriathlawh Tanushree Dutta chuan kawng hrang hranga bitum leh tihduhdan ni mek mah se, intihhlum a tum dawn lo, a ti.
Instagram kaltlangin thu sei angreng tak a ziahah Bollywood mafia leh mi sual thenkhatte’n a thil in turah damdawi tha lo leh steroid pawlh tumin an bei nasa hle, a ti a, tlem a tlemah thihna hlim kawr ruam zawh hmanin, kil tin atangin beihna a tawk, a ti bawk.
“Tunah hian nasa taka tihduhdan leh bitum mek ka ni a, khawngaih takin min pui teh u.. A hmasa berah chuan, Bollywood thil a ni a, nikum khan ka thil in turah damdawi tha lo leh steroids chu awmpui hmangin an lo phul a, chuta tang chuan ka dam tha hlei thei tawh lo. May thla liam ta pawh khan ka lir thei brake chu vawihnih min khawih danglam sak a, accident ka tawk. Vanneihthlak takin, ka him hlauh a, a hnu ni 40 ah hna ka thawk chhunzawm. Tun ah hian ka chenna IN pawn lamah hmuh nuam lo leh hrehawm tak tak a inlan leh tawh,” tiin a sawi.
Tnasushree Dutta hi 2018 khan ‘Horn Ok Pleassss’ film siam laiin, a chanpui Nana Patekar, choreopgrapher Ganesh Acharya leh filmmaker Vivek Agnihotri te’n rilru leh taksa ah hliam an thlen nasa hle, tiin a puh.