Indian Council For Child Welfare-in kum 65 chuang a lo tih thin tawh angin naupangte cho chhuaka mi dangte tanpui a ngaih huna mahni sahimna dah thaa mi dangte nunna chhanhim nan huaisen taka ke an pen chhuah theih nan naupang huaisen lawmman kum tinin a buatsaih thin chu a dilna thehluh theih mek a ni.
Naupang huaisen lawmman hi ICCW headquarters office, emaw ICCW website www.iccw.co.in-ah emaw a dilna form a lak chhuah theih a, a diltute dil chhan chanchin tawi thu mal 250-a sei, birth certificate, a chanchin chuanna chanchinbu/magazine emaw, First Information Report (FIR) emaw, police diary emaw thehluh tel tur a ni.
Heng lehkha thil tel bakah hian hriatpuitu/nemnghettu awm tel a ngai a. A diltu school kalna principal/headmaster; State Council for Child Welfare-a general secretary emaw, president emaw; collector/DM/Govt. Official, heng tlukpuite; thil thlenna huam chhunga Superintendent of Police emaw, police hotu sang emaw hriatpuina leh pawmpuina a ngai bawk
A diltuin a dil chhan a tawn lai hian kum ruk leh 18 inkar a ni tur a ni a. July 1, 2021 leh September 30, 2022 inkara thil thlengte pawm a ni ang a, selection committee hian July 1, 2021 aia thla thum hma lam thleng a remtih chuan a pawm tel thei bawk a ni.
Dilna hi October 15, 2022 thleng thehluh theih a ni.