Mizoram a rampum huap volleyball inelna lian chu inthlifim zelin champion thei turte chauh an dam ta a. D3 Amrit Cement 22nd Inter Branch YMA Volleyball Tournament 2022 semi-final khel tur a hriat tawh.
Nilaini khan R.Dengthuama Indoor Stadium-ah quarter-final khelh a ni a. Mipa lamah inkhel hmasa berah tan hlawh leh team tha Khawhai in 3-1 in Champhai Tlangsam an hneh.
Chhinga Veng in fak hlawh tak Khawbel 3-0 in an hneh a, semi-final lut turin Chhinga Veng an kal vung hle.
Inkhel pathumnaah volleyball thiam veng Hunthar in 3-0 in Kulikawn West an hneh a. Inkhel hnuhnung ber result hriat hman a ni lo.
Hmeichhe inkhel kalpui a ni ve nghal bawk a. Bungkawn in 3-0 in Dawrpui Vengthar an hneh a. Armed Veng South leh team tha leh tawnhriat nei tha player kawl hnem Kanan pawh an chak a. Aizawl pawn team pahnih inkhelah Kolasib Diakkawn an chak.July 27, Nilaini inkhel result hriat theih chin:
Quarter-final
Mipa
Khawhai def. Champhai Tlangsam
27-25, 18-25, 25-22, 25-18 (3-1)
Chhinga Veng def. Khawbel
25-13,25-17, 25-15 (3-0)
Hunthar def. Kulikawn West
25-15, 25-15, 25-22 (3-0)
Zawlnuam Vengpui Vs Maubawk
Hmeichhia
Bungkawn def. Dawrpui Vengthar
25-16, 25-13, 25-12 (3-0)
Armed Veng South def. Hlimen
25-7, 27-25, 25-13 (3-0)
Kanan def. Bethlehem Vengthlang
25-21, 25-13, 25-11 (3-0)
Kolasib Diakkawn def. Thenzawl Field Veng
25-9, 25-20, 25-22 (3-0)
Vawiin inkhel tur:
Semi-final
Hmeichhia
Bungkawn Vs Armed Veng South
Kanan Vs Kolasib Diakkawn
Mipa
Khawhai Vs Chhinga Veng
Hunthar Vs Zawlnuam
Vengpui/Maubawk