Assam-a Jorhat-ah, Nilaini khan Brahmaputra luia mihring phur lawng pahnih insu-ah mi tam tak chin hriat lohvin an awm mek.
Lawng pahnihah hian mi 100 vel an chuang a, Guwahati atanga km 350 vela hla, Nimati Ghat, Jorhat-ah chhiat hi an tawk a ni.
Lawng pakhat zawk hi sorkar hnuaia Inland Water Transport department lawngleng a ni a, Brahmaputra-a thliarkar, Majuli atanga Nimati Ghat pan niin pakhat hi anmahni tawk zawnga kal a ni ve thung.
Video thehdarh atanga a lan dan chuan an insut hnuah hian lawng hi an thal ve ve a, mi thenkhat chu lawngah hian invawn tan tumin an bei a, thenkhat chu mahni inchhan nan tuiah an zuang lut bawk.
Luipui hian mi chiangte bungrua, motorbike leh car-te pawh telin, a len vek a ni.
State Disaster Response Force (SDRF) thuneitute chuan chhiatna thlenna hmun hi thleng zui nghalin chhanchhuah hna an thawk nghal mek.
Chhiatna a thlen hnuah hian Assam Chief Minister Dr Himanta Biswa chuan Majuli leh Jorhat district thuneitute chu be nghalin National Disaster Response Force leh SDRF puihna nen chhanchhuah hna thawh a nih tur thu a hrilh.
“Nimati Ghat, Jorhat bula lawng chetsualna thleng hi pawi ka ti tak zet a ni,” tiin Twitter-ah a tar lang bawk.