Independence Day Football Tournament 2022-ah mipa football inelna semi-final khel tur an hriat tan a. Group A atangin FC Venghnuai leh Aizawl FC te an tling.
Thawhtanni inkhelah Group A atangin team pathum an tling thei a. Inkhel hmasa zawkah Chawnpui FC tan hnehna chanin engkim a la thlak danglam thei a. Mahse FC Bethlehem tan Lalrammawia chuan inkhela goal awmchhun a khung a. 1-0 in an tlawm.
Chawnpui result avangin inkhel hnuhnung zawka inhmachhawn turte an tlingchiang tawh a. FC Venghnuai in 3-1 in Aizawl FC an hneh.
Venghnuai tan striker tawnhriat nei tha Lalrammuanpuia’n goal hnih a khung.
Vawiin lamah Group B chinfel a ni dawn a. Chhinga Veng FC, Mizoram Police, Electric Veng FC leh Chanmari FC ten khelh hnih atang point 3 theuh an hmu mek a. Team pali te tan semi-final kawng a la inhawng vek.