Olympique de Marseille chuan chiang taka hnehna changin league season bul an tan a. Stade Reims 4-1 in an hneh.
Marseille hi tunhnaiah squad chhunga boruak tha lo nei anga sawi an ni a. Mahse Pathianni zana Stade Vélodrome a inkhelah erawh hmuh tur a awm lo.
Wout Faes own goal hmangin hma an hruai thuai a. A hnuah an mi thar pahnih Nuno Tavares leh Colombian forward Luis Suarez-ah ten goal an khung belh.
Marseille hi coach thar Igor Tudor hnuaia khel an ni a, club tantuten Tudor hi lawm lem lo mahse a hnuaiah an bul tan dan a tha hle.
Season liamta a league a pahnihna Marseille hi season inbuatsaihna friendly ah te an chet that tawk loh avangin dressing room lamah boruak a tha lo niin thu a thang bawk.
Inkhel dangah Lille pawhin 4-1 thova hnehna changin bul an tan a. AJ Auxerre an hneh.
Stade Pierre-Mauroy-ah Lille tan Canadian forward Jonathan David chuan goal hnih a khung a, Benjamin Andre leh Akim Zedadka ten goal dang an khung.