IIT Gandhinagar leh NIT Sikkim chuan inremna ziakin zirlaite inthawn tawn, zirtirna kalpui dana inpuih leh faculty member zinga zirbingna lama thawhho te an tum.
Inremna an ziahah hian National Institute of Sikkim (NIT Sikkim)-a zirlai titha bik pahnihte chuan Indian Institute of Gandhinagar (IIT Gandhinagar)-ah Summer Research Internship Programme (SRIP) an hmang thei dawn a ni.
IIT Gandhinagar chuang heng zirlaite programme an hman zawh hma zawng stipend a pe zel bawk ang.
Hei bakah hian kum tin NIT Sikkim-a BTech zirlai pahnih chuan IIT Gandhinagar-ah hian non-degree programme hnuaiah semester khat zir theihna hun an nei dawn bawk a ni.
“IIT Gandhinagar-a semester khat an zir chhungah credit an hmuh zawng zawng chu NIT Sikkim-ah an chhawm lut vek thei dawn a ni,” tiin IIT Gandhinagar-in thuchhuah a siamah tar lan a ni.
Hei bakah hian NIT Sikkim-a BTech final year zirlai pahnih chu IIT Gandhinagar-in Start Early PhD programme a kalpuiah admission an hmu thei dawn bawk.
Hemi atana zirlai thlan chhuahte chuan 7th emaw, 8th semester emaw hmain non-degree programme hnuaiah IIT Gandhinagar-ah hian an kal thei dawn a ni.