Silchar, Assam leh Bairabi, Mizoram inkara mihring phur rel tlan chu hun eng emaw chen a tlan loh hnuah tun kar atangin a tlan chhunzawm leh tawh dawn.
Northeast Frontier Railways (NFR) chuan thuchhuah an siamah Assam leh Mizoram inkara rel a tlan leh tawh thu hi a tar lang.
Silchar leh Bairabi inkara mihring phur rel tlan hi chawlhkar khatah vawi hnih zel tur a ni.
Rel hi Zirtapwni atang hian a tlan leh tawh dawn niin NRF chuan a tar lang.
“Northeast Frontier Railway chuan Silchar leh Bairabi inkara mihring phur rel hi tual chhung mite tan tun kar atanga tlan chhunzawm leh tawh turin a ti a ni,” tiin NFR thuchhuahah tar lan a ni.
Rel hi Silchar atangin Thawhlehni leh Zirtawpni zelah tlai dar 4:55-ah chhuakin Bairabi-ah zan dar 9:00-ah a thleng ang a. Nilaini leh Inrinniah zel Bairabi atang hian zing dar 5:30-ah chhuakin Silchar hi zing dar 9:20-ah a thleng dawn a ni.
NFR hian chawlhkar khata vawi khat chauh tlan thin, Agartala, Tripura leh Secunderabad inkar chu a tipung bawk tih a sawi.
He rel hi chawlhkar khatah vawi thum zel tlan tawh turin ruahmanna a siam tih thuchhuahah a tar lang a. A kal hun leh a dinna hmun turte pawh a tichiang tawh bawk.
A tihpun chhan hi sakhaw kutpui thleng tur puala tih a ni thu NRF chuan a sawi bawk.