Fighter-jet adventure film pui tak, ‘Top Gun: Maverick’ chuan tualchhung box office-ah ‘Titanic’ sum hmuhchhuahzat khumin film hlawhtling ber pasarihnaah a inhlangkai.
Variety tarlan danin, ‘Top Gun: Maverick’ hian $Maktaduai 662 a hmuchhuak a, khawvelpum huap angah chuan ‘Titanic’ ($1.5 billion) khumin $2.2 billion a lalut.
Tom Cruise channa hian thawm a nei ring a, entu mipui a kokhawm hnem thei hle a, he film intanna hmasa ber ‘Top Gun’ (1986) kha China leh Russia-a tlangzarh a ni lo chung pawhin khawvelpumah $1.3 billion a la lut thei tho.
‘Top Gun: Maverick’ pawh hi entute inhrilh chhawn zelnaah a hit par par hle a, COVID-19 hripui pawhin a dang hneh meuh lova, en ngei tumin cinema hall lamah an tleh dual dual mai a ni.
Heti hi a nih vangin ‘Avengers: Infinity War’ ($Mtd. 678) dinhmun pawh sawinghin a ni tan der mai a, parukna hauh mek hi ‘Top Gun: Maverick’ hian a hnukthla thuai rin a ni bawk.
Chuti ang zelin top 5-a lang, “Black Panther” ($700 million), “Avatar” ($760 million), “Spider-Man: No Way Home” ($804 million), “Avengers: Endgame” ($853 million), leh “Star Wars: The Force Awakens” ($936 million) te pawhin an record neihsa ropui tak mai hi engtik hunah emaw chuan an la kian dual dual lovang tih a sawi theih ta lo!