Kolasib district-a Bairabi North, Kolasib Venglai leh Zanlawn-ah te VC bye-election neih tur atana inbuatsaihna kal mekah nimin khan final electoral roll tlangzarh a ni.
Final electoral roll-a a lan danin, Bairabi North-ah vote nei mi 2514 an awm a, heng zinga 1220 te chu mipa niin, 1294 te chu hmeichhia an ni a. Kolasib Venglaia vote nei mi 2502 zinga 1136 te mipa niin, hmeichhia 1366 an a ni. Zanlawna vote nei mi 820 zinga 377 te mipa niin, 443 te hmeichhia an ni thung.
Serchhip district Baktawnga VC bye-election a hman tur final electoral roll pawh nimin vek khan tlangzarh a ni a. Baktawng VC huam chhungah voter 1126 awmin, an zinga 545 chu mipa an ni a, hmeihhia 581 an awm bawk.
Lawngtlai district-a VC pangaa bye-election neih tura hman tur final electoral roll pawh nimin khan tlangzarh a ni a. VC bye-election neihna tur te hi Ngengpuikai, Dumzautlang, Vaṭhuampui, Hmawngbuchhuah leh Laitlang te niin, Ngengpuikaiah vote nei mi 528, mipa 272 leh hmeichhia 256 an awm a, Hmawngbuchhuahah vote nei mi 208, mipa 95 leh hmeichhia 113 an awm. Dumzautlangah vote nei mi 147, mipa 83 leh hmeichhia 64 an awm a, Laitlangah vote nei mi 134, mipa 75 leh hmeichhia 59 awmin, Vaṭhuampuiah vote nei mi 825, mipa 437 leh hmeichhia 388 an awm.
Khawzawl district-a Sialhawk leh Aiduzawl khuaa VC bye-election a hman tur final electoral roll pawh nimin vek khan tlangzarh a ni a. Sialhawk khuaah vote nei mi 1691 an awm a; heng zinga 820 te mipa niin, hmeichhia 871 an awm. Aiduzawl khuaa vote nei zat chu sorkar thuchhuahin a tarlang tel lo thung.
Siaha district-a VC 8-a bye-election neih tura hman tur final electoral roll pawh nimin khan tlangzarh a ni a. VC bye-election neihna tur te hi - New Colony-IV (seat 1); Lobo-I (seat 1); College Vaih-III(seat 6); Iana-II (seat 4); New Colony-V (seat 6); New Siaha West-II(seat 6); Siaha Vaih- pi Bazar (seat 5) leh Supha (seat 4) te an ni.
Aizawl district-a Zemabawk South, Leitan Ramthar, Electric Veng leh Ramthar North Local Council leh Vaitin, Falkawn leh Tlungvel VC bye-election neih tura hman tur final electoral roll pawh nimin khan tlangzarh a ni a. Lunglei district-a Tipperaghat VC bye-election a hman tur final electoral roll pawh nimin vek khan tlangzarh a ni bawk.
Champhai district-a Champhai Dinthar VC bye-election neih tura hman tur final electoral roll pawh nimin vek khan tlang- zarh a ni a. Voter 652 awmin, heng zinga 292 te chu mipa niin, hmeichhia 360 an awm a ni.
Mamit district-a Phulpui West leh Rajiv Nagar-I VC bye-election a hman tur final electoral roll pawh nimin vek khan tlangzarh a ni a. Phulpui West-ah vote nei mipa 248 leh hmeichhia 237 an vaiin vote nei 485 an awm a. Rajiv Nagar-I-ah vote nei mipa 736 leh hmeichhia 705 an vaiin 1441 an awm bawk a ni.